شہید جوان کے چوری میڈل کی تلاش کیلئے پولیس نے مانگی رشوت ، ماں نے مودی سے کی فریاد

بھوپال: ایک طرف وزیر اعظم مودی شوریہ اسمارک کا افتتاح کرنے کیلئے بھوپال میں ہوں گے تو وہیں 1994 میں آپریشن رکشک کے دوران شہید ہوئے دیواشيش شرما کی ماں نے آئی بی این 7 سے کہا کہ ان کے بیٹے کا تمغہ چوری ہو گیا تھا، اسے لے کر جب وہ پولیس کے پاس گئی ، تو پولیس نے ان سے رشوت مانگی۔ خیال رہے کہ شہید دیواشيش شرما کا کیرتی چکر، ویرتا چکر اور كمنڈیشن میڈل 2 سال قبل چوری ہو گیا تھا۔ نرملا دیوی نے بھوپال میں شوریہ اسمارک کا افتتاح کرنے کیلئے آ رہے وزیر اعظم سے مدد کی فریاد کی ہے۔ ماں کو اب میڈل کی امید نہیں ہے۔ انہوں نے کہا کہ اب پتہ نہیں میڈل واپس ملیں گے یا نہیں ، لیکن مجھے ڈپلیکیٹ میڈل دیا جائے ۔ فوج سے بات کی ہے، وہاں سے جواب ملا کہ ایسا



ممکن نہیں ہے ، لیکن ابھی کسی کا پدم ایوارڈ چوری ہوا تھا ، تو انہیں ڈپلیکیٹ دیا گیا تھا۔

قابل ذکر ہے کہ کیپٹن شرما پاکستان کے خلاف آپریشن رکشک (10 دسمبر 1994) میں شہید ہو گئے تھے۔ شہید کی ماںنرملا دیوی طویل عرصہ تک تھانوں کے چکر کاٹتی رہیں، انہیں امید تھی کہ پولیس اور انتظامیہ ان کی مدد کرے گی ، مگر پولیس نے شہید کے خاندان سے بھی رشوت کا مطالبہ کردیا۔
ادھر آئی بی این 7 پر خبر دکھائے جانے کے بعد وزیر داخلہ بھوپندر سنگھ نے کہا کہ چوری کا کیس درج کیا جائے گا۔ وزیر داخلہ بھوپندر سنگھ نرملا دیوی سے ملنے ان کے گھر بھی پہنچے۔ انہوں نے کہا کہ اس معاملہ کی دوبارہ تفتیش کیلئے ٹیم کی تشکیل کا حکم دے رہا ہوں۔ کوشش کر رہا ہوں کہ میڈل واپس مل جائے۔